უბედური შემთხვევა მოხდა. ზუსტი მიზეზები ალბათ გამოძიების ჩატარების შემდეგ შეგვეძლება, რომ დაზუსტებით ვთქვათ, – განაცხადა ჯანდაცვის მინისტრმა მიხეილ სარჯველაძემ, რომელმაც ორთაჭალაში მომხდარი აფეთქების შედეგად დაშავებულები მოინახულა.
მისი თქმით, დაშავებულთაგან ერთის მდგომარეობა განსაკუთრებით საყურადღებოა.
„სავარაუდოდ საუბარია გაზის გაჟონვაზე ან ქსელის გაუმართაობაზე, რამაც გამოიწვია აფეთქება და დატრიალდა ტრაგედია. რამდენიმე პირი იმყოფება კლინიკაში. ერთ-ერთი პირის მდგომარეობა განსაკუთრებით საყურადღებოა და რა თქმა უნდა, ის ექიმის მეთვალყურეობის ქვეშ იმყოფება. საუბედუროდ, ერთი ადამიანი გახლავთ გარდაცვლილი“, – აცხადებს მინისტრი.
ორთაჭალაში, დევნილთა დასახლებაში აფეთქებას ერთი ადამიანი ემსხვერპლა.
კომენტარები