“ევროკავშირი და ჩინეთი მნიშვნელოვანი სავაჭრო პარტნიორები არიან”

ევროკავშირი და ჩინეთი მნიშვნელოვანი სავაჭრო პარტნიორები არიან, – განაცხადა ევროპული საბჭოს პრეზიდენტმა, ანტონიუ კოშტამ.

„კონსტრუქციული სატელეფონო საუბარი შედგა [ჩინეთის] პრეზიდენტ სი ძინპინთან. ჩვენ შევთანხმდით, რომ ევროკავშირისა და ჩინეთის ერთობლივი მუშაობა გლობალური გამოწვევების დასაძლევად დადებითი სიგნალი იქნება მშვიდობის, სტაბილურობისა და კეთილდღეობისთვის“, – აღნიშნა ევროპული საბჭოს პრეზიდენტმა.