იმერეთის ბაგრატოვანთა შტოს წარმომადგენელი, პროფესიით მუსიკოსია და წლების წინ, „ერთსულოვნებაზე“ საავტორო გადაცემა მიჰყავდა. მარიამი ინტერვიუში გვიყვება, რომ გაუგებრობაში მოხვდა და იქ მყოფი დეპუტატებიდან არავისი ცოლი არ არის და 14 წლის შვილთან ერთად აბუ-დაბიში ისიც „ქოლდფლეის“ კონცერტზე დასასწრებად ჩავიდა. მომხდარს კი შემთხვევით შეესწრო…
– არავის ოჯახის წევრი არ ვარ, არც კი ვიცნობ არცერთს. უბრალოდ ამ ფაქტს შევესწარი როგორც დამსვენებელი. ამ ადამიანმა (ლაშა გაბიტაშვილი) ჯერ კიდევ წინა დღეს ლანძღა და აგინა ყველას. მეორე დღესაც უბრალოდ ის გადაიღეს და დადეს, რაც თავად უნდოდათ და აწყობდათ.
მეც მლანძღეს და გავეცი პასუხი. საერთოდ არაფერ შუაში არ ვიყავი. ჩემი შვილი ჩამოვიყვანე კონცერტზე. მომხდარის დროს შვილთან ერთად კაფეში ვიჯექი და მივირთმევდით, როდესაც ეს ამბავი დაიწყო. შევესწარი და უბრალოდ ჩავერიე როგორც დამსვენებელი და ქართველი. მოვალედ ჩავთვალე თავი. მთელი სასტუმრო გააგიჟეს, ისე იქცეოდნენ და იგინებოდნენ, ყვიროდნენ მთავრობის წევრების მისამართით. ეს არის სიმართლე. მე საერთოდ რა შუაში ვიყავი, პროვოკატორმა ქალმა რომ გადამიღო. ცხოვრებაში არავისთვის მიმიყენებია შეურაცხყოფა, წყობიდან გამომიყვანეს.
– “ცოლებიც მოყვნენ პრიკუპში. ჩემმა დეიდაშვილმა მიასხა” – ამ სათაურით გავრცელდა თქვენზე ვიდეო.
– მათ თუ აქვთ დასვენებისა და კონცერტზე წასვლის უფლება, მე რატომ არ მაქვს. რატომ ვარ მოღალატე ვერ გავიგე. რატომ უნდა შემავიწროონ და დამაბულინგონ, თავად რატომ არიან მაშინ აქ? – რატომ ისვენებს თუ ასეთი პატრიოტია ქვეყნის, რა ეკონცერტება, რუსი ცოლი მაგას ჰყავს მე კი არა (საუბარია ლაშა გაბიტაშვილზე ავტ.)
მე არავისი ცოლი და ნაშა არ ვარ, არც კი ვიცნობ დეპუტატებს, ორ შვილს გეფიცებით. ტყუილად გავილანძღე და ჩემი შვილიც ვანერვიულე.
– ინციდენტი ერთი დღით ადრეც მოხდა სასტუმროს ტერიტორიაზე.
– დიახ, წინა დღესაც შევესწარი ეს ბიჭი როგორ ლანძღავდა და აგინებდა საქვეყნოდ პარლამენტარებს, მთელი სასტუმროს წინ. გავოცდი… ეს მეორე დღე იყო, რაც ყველამ ნახეთ, ის რატომ არ დადეს. მე არ ვარ ინტრიგანი ადამიანი და არ გადამიღია არაფერი.
– მარიამ, წლების წინ საპატრიარქოს არხზე გადაცემა მიგყავდათ, ახლა რას საქმიანობთ?
– ამჟამად კულტურის სამინისტროში ვაკეთებ პროექტებს. მაგალითად „აბესალომ და ეთერის“ იტალიური ლიბრეტოს ავტორი ვარ, რომელიც იტალიაში დადგეს და მათ არც დაესიზმრებათ.
ტყუილად მცხებენ ჩირქს, უდანაშაულო, არაფერ შუაში მყოფ ადამიანს. მე ვარ აბსოლუტურად აპოლიტიკური ადამიანი. არცერთ პარტიას არ მივეკუთვნები და არცერთისგან არ მაქვს არანაირი სარგებელი. არავისთვის არაფერი დამიშავებია და არც წამირთმევია. ვისვენებდი უბრალოდ და ჩემთვის და უსამართლობას და ძალადობას არ მივესალმები არასოდეს. პროტესტი შეუძლიათ მიტინგზე და არა აქ, სასტუმროში სადაც ხალხი ისვენებს.
კიდევ ერთხელ ვამბობ, მე არცერთი მხარე არ ვარ, არ ვერევი პოლიტიკაში. მე რომ ვზივარ იქ, პატარა შვილთან ერთად, კონცერტებს არ უნდა მაყურებინებდნენ და არ უნდა მსტრესავდნენ თავიანთი პოლიტიკური შეხედულებების გამო.
www.ambebi.ge