ირონიულია ყოფილი პრეზიდენტის, ზურაბიშვილის პრეზიდენტ ტრამპის ინაუგურაციაზე დასწრება, – ამის შესახებ პარლამენტის თავმჯდომარე შალვა პაპუაშვილი სოციალურ ქსელ X-ში წერს.
პაპუაშვილი აქვეყნებს ვიდეოს, რომლის მიხედვითაც, სალომე ზურაბიშვილი აშშ-ის არჩევნებში რუსეთის ჩარევაზე საუბრობს.
„რამდენად ირონიულია ყოფილი პრეზიდენტის, ზურაბიშვილის პრეზიდენტ ტრამპის ინაუგურაციაზე დასწრება. ნახეთ მის მიერ გავრცელებული შეთქმულების თეორიები, რომ ტრამპმა პირველი პრეზიდენტობის დროს „არჩევნები რუსეთის დახმარებით მოიგო“. ახლა ის მსგავს შეთქმულებას საქართველოს წინააღმდეგ უწევს პროპაგანდას“, – წერს პაპუაშვილი X-ზე.
კომენტარები