თურქეთში ბოლუს რეგიონში კარტალკაიას სამთო-სათხილამურო კურორტზე განთავსებულ ერთ-ერთ სასტუმროში გუშინ გაჩენილ ხანძარს, ბოლო მონაცემებით, 76 ადამიანი ემსხვერპლა, ხოლო 51 დაშავდა. ინფორმაციას თურქული მედია ავრცელებს.
ქვეყნის პრეზიდენტის რეჯეფ თაიფ ერდოღანის განცხადებით, ტრაგიკულ ინციდენტზე პასუხისმგებელი ყველა პირი დაისჯება.
კართალკაიას სათხილამურო კურორტი სტამბოლიდან 270 კილომეტრის მოშორებითაა. სასტუმრო მთის ფერდობთან მდებარეობს, რამაც საგანგებო სამსახურებს ცეცხლის ჩაქრობა და სამაშველო ოპერაცია გაურთულა. სტუმრები ცეცხლმოკიდებული სასტუმროდან თავის დაღწევას ფანჯრებიდან ცდილობდნენ.
სამთო-სათხილამურო კურორტზე დატრიალებული ტრაგედიის გამო, 22 იანვარი თურქეთში გლოვის დღედ გამოცხადდა. დაწყებულია გამოძიება.
კომენტარები