EMAAR Group-ის მსგავსი დეველოპერული ჯგუფის შემოსვლა საქართველოში წლის მოვლენაა, – განაცხადა გადაცემაში „იმედი LIVE“ პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, შოთა ბერეკაშვილმა.
მისივე შეფასებით, 6-მილიარდიანი ინვესტიციის განხორციელება ქვეყნის ეკონომიკის განვითარებაზე მნიშვნელოვან გავლენას მოახდენს.
„მინდა მივულოცო პრემიერ-მინისტრსა და მის ეკონომიკურ გუნდს ასეთი წარმატებული ვიზიტი. მინდა აღვნიშნო, რომ ეკონომიკურმა ჯგუფმა პროაქტიულად იმუშავა, რომ ეს შეთანხმება მომხდარიყო“, – განაცხადა ბერეკაშვილმა.
მისი თქმით, EMAAR Group-ის აქტივების ღირებულება 48,2მლრდ დოლარს შეადგენს. ამასთან, აღნიშნული ჯგუფის მართვის ქვეშ არის პრემიუმ კლასის 1,4 მლნ. კვადრატის კომერციული ფართი. EMAAR Group-ი მსოფლიოს სხვადასხვა ქვეყანაში 38 პრემიუმ სასტუმროს მართავს.