თუ ამ პირების [„ნაციონალური მოძრაობის“ წარმომადგენლების] ბრალი დადასტურდება, ცხადია ისინი მიეცემიან შესაბამის სამართლებრივ პასუხისმგებლობაში, – ასე ეხმიანება საპარლამენტო უმრავლესობის ლიდერის კაბინეტის უფროსი, ვახტანგ ჩოჩია საგამოძიებო კომისიის შექმნას.
„თუ ამ პირების [„ნაციონალური მოძრაობის“ წარმომადგენლების] ბრალი დადასტურდება, ცხადია ისინი მიეცემიან შესაბამის სამართლებრივ პასუხისმგებლობაში. ეს ერთის მხრივ მნიშვნელოვანია იმდენად, რამდენადაც წარმოადგენდა მმართველი გუნდის პოლიტიკურ დაპირებას, მეორეს მხრივ, ამაზე მნიშვნელოვანია, რომ ყველამ უნდა იცოდეს ჩვენს ქვეყანაში არსებობს სამართლის უზენაესობის პრინციპი და ნებისმიერი ადამიანი, რომელიც დანაშაულს ჩაიდენს, მნიშვნელობა არ აქვს, რომელი პროფესიის წარმომადგენელი იქნება, სრული სიმკაცრით აგებს პასუხს კანონის წინაშე“, – აღნიშნა ჩოჩიამ.
დღეს პარლამენტში ბიუროს სხდომაზე საგამოძიებო კომისიის შექმნის ინიციატივას დაარეგისტრირებენ.