ევროპაში 1 მეგავატ-საათი გაზის ფასი 58,75 ევროს შეადგენს, რაც 4,1% აღემატება ორი წლის წინანდელ მაჩვენებელს. ინფორმაციას სააგენტო Bloomberg-ი ავრცელებს.
აღნიშნული მაჩვენებელი ყველაზე მაღალია, რაც კი დაფიქსირებულა ევროპაში 2023 წლის თებერვლიდან, იუწყება სააგენტო.
ჩრდილო-დასავლეთ ევროპის ქვეყნები უახლოეს დღეებში ყინვებისთვის ემზადებიან, რამაც, შესაძლოა, გაზზე ფასის ზრდას შეუწყოს ხელი, წერს Bloomberg-ი.
გაზის მოხმარების მაღალმა მაჩვენებელმა მიწისქვეშა საცავებში ისედაც მწირი მარაგების კლება გამოიწვია. დღეს, როგორც სააგენტო წერს, ევროპის გაზის საცავები 49% არის შევსებული, ხოლო 2024 წლის თებერვალში ეს მაჩვენებელი 67% აღწევდა.
ორგანიზაცია Global Risk Managment-ის ანალიტიკოსი არნე ლომან რასმუსენი აცხადებს, რომ გაზაფხულისთვის ევროკავშირის გაზის მარაგები „ძალიან დაბალ დონეზე აღმოჩნდება“.
როგორც Bloomberg-ი წერს, ბაზრის მონაწილეები აშშ-ის პრეზიდენტის დონალდ ტრამპის მოქმედებებსაც აკვირდებიან, ვინაიდან მან ცოტა ხნის წინ განაცხადა, რომ ფოლადისა და ალუმინის იმპორტზე 25-პროცენტიანი ტარიფების შემოღებას გეგმავს.
თუ ევროკავშირი სარკისებურად უპასუხებს ტრამპს, ეს თხევად ბუნებრივ აირზე, რომლის ერთ-ერთ მთავარ მიმწოდებლად ამერიკა ითვლება, ფასს გაზრდის.