სოციალური ქსელის მომხმარებელი ცირა შარგელაშვილი ფარმაცეპტულ კომპანიას ვადაგასული ფაფის გასაღებისთვის უჩივის.
“ფარმაცევტული საქმიანობის რეგულირება და კონტროლი ვის ეხება დამაკვალიანეთ . მინდა ნაძალადევის რაიონში ცოტნე დადიანის №4 ში მდებარე 36,6 -ის აფთიაქს ვუჩივლო. 2 დღის უკან ამ აფთიაქში შევიძინე ბავშვის ფაფა. (პირველად ვიყიდე აღნიშნულ აფთიაქში სადაც ვყიდულობ ყველგან 2018 წლის ბოლომდე აქვს ვადა). აღმოჩნდა რომ ფაფა 7 თვის ვადაგასული იყო. ბავშვმა არ ჭამა ფაფა, დაძალების შემდეგ კი დაეწყო საშინელი ღებინება, სპაზმი და პირზე მოადგა ქაფი, ე.წ. დუჟი. როცა 7 თვის განმავლობაში არცერთხელ შეამოწმებს ფარმაცეპტი აფთიაქში დადებულ კვების პროდუქტებს, ეს მინიმუმ სამსახურებრივი გულგრილობაა და სისხლის სამართლის კოდექსით დასჯადი ქმედებაა!!! ძალიან ვჩქარობდი და ცხოვრებაში პირველად არ დავხედე თარიღს, ვენდე აფთიაქს და მომიწამლეს ბავშვი ამ სულით ვაჭრებმა, ფაფის გასაღებისთვის ბავშვების ჯანმრთელობას რომ არად დაგიდევენ. აღნიშნული სააფთიაქო ქსელის მთავარ ოფისთან დაკავშირება ტელეფონით არ ხერხდება, თვითონ იმ დამპალ აფთიაქში კი უკვე ვიყავი. არ იყიდოთ არაფერი ცოტნე დადიანის №4 ში მდებარე აფთიაქ 36,6-ში!!! ძალიან გთხოვთ მომწერეთ უშუალოდ რომელი სამსახური ახორციელებს სააფთიაქო კონტროლს”, – წერს ცირა შარგელაშვილი სოციალურ ქსელში.