გერმანიის კანცლერობის ერთ-ერთი კანდიდატის, ფრიდრიხ მერცის განცხადებით, „ძალიან შეშფოთებულია“ იმის გამო, რომ ევროკავშირი ახალი ფინანსური კრიზისისკენ მიდის, რადგანაც „მთავრობებმა ზედმეტად დიდი ვალი აიღეს“.
„ჩვენ არ შეგვიძლია, ვიყოთ ისეთი დაუდევრები ჩვენს სახელმწიფო ფინანსებთან მიმართებაში, როგორც, შესაძლოა, სხვები არიან, და თუნდაც სხვებთან დაკავშირებითაც მე ძალზე შეშფოთებული ვარ“, – განაცხადა „ქრისტიან-დემოკრატიული კავშირის“ ლიდერმა.
ამასთან, მერცს არ დაუსახელებია „სხვა ქვეყნები”, რომლებზეც საუბრობდა.
„პოლიტიკოს“ ცნობით, ევროკავშირის ექვს ქვეყანას: საფრანგეთს, იტალიას, საბერძნეთს, ბელგიას, ესპანეთსა და პორტუგალიას აქვთ ვალები, რომლებიც მათი წლიური წარმოების მოცულობაზე მეტია.
„შემდეგი ფინანსური კრიზისი აუცილებლად მოვა, ეს იქნება სახელმწიფო ვალის კრიზისი“, – თქვა მერცმა.
მერცმა ეს განცხადება გერმანიაში დაგეგმილ არჩევნებამდე ხუთი დღით ადრე გააკეთა. აღსანიშნავია, რომ გერმანიაში უკვე მიმდინარეობს დებატები ე.წ. ვალის მუხრუჭის რეფორმირების შესახებ. „ვალის მუხრუჭი“ არის ხარჯვის მკაცრი წესი, რომლის მიხედვითაც, ფედერალურ მთავრობას სახელმწიფო ვალის მთლიანი შიდა პროდუქტის 0,35%-ზე მეტის აღება ეკრძალება. ამ წესის შეცვლასთან დაკავშირებით დებატები უფრო ინტენსიური გახდა აშშ-ის მოთხოვნის გამო, რომ ევროკავშირმა მეტი გადაიხადოს საკუთარი თავდაცვისთვის.