ბოლო დროს ძალიან გახშირდა სოციალურ ქსელებში დახმარების თხოვნით და მუდარით გაჯერებული პოსტები, რომელსაც საბანკო მონაცემები ახლავს და კეთილ ადამიანებს თანხის გადარიცხვისკენ უბიძგებს.
აღმოჩნდა რომ ხშირ შემთხვევაში ეს ისტორიები სიმართლეს არ შეესაბამება და ეს უბრალოდ ფულის შოვნის თაღლითური მეთოდია. ერთ-ერთი მომხმარებელი სოციალურ ქსელში ამის შესახებ საინტერესო ინფორმაციას ავრცელებს:
“სადღაც ერთი თვის უკან, მეგობრის თხოვნით დავდე პოსტი, თეას დასახმარებლად. როგორც თეამ ჩემს მეგობარს უამბო, ჰქონდა თითქოს სიმსივნე და ჭირდებოდა ძვირადღირებული ოპერაცია, რისი საშუალებაც მას არ ჰქონდა. თეა დაღუპული მებრძოლის მეუღლეა. რადგანაც ჩემში მებრძოლები ავტორიტეტულია, მიზანშეწონილად ჩავთვალე გამევრცელებინა თეას გასაჭირი, ეს მისი თხოვნაც იყო და მეც სიამოვნებით დავდე რადგან ვფიქრობდი ბევრი დაეხმარებოდა. მე ჩემს დანაზოგს არ ვჩივი, იმ ხალხთან მრცხვენია, ვინც მე მენდო და თანხები გადაურიცხა ამ თაღლითს. მეგობარმა უკვე შეიტანა განცხადება და გამოძიება დაიწყო.
თუ თანხებს სრულად არ დააბრუნებს, პასუხისგება მოუწევს კანონის, ქვეყნის და ერის წინაშე.
მებრძოლი ქმრის სახელით მანიპულირება კი მიანიშნებს, რომ სულაც არ ყვარებია მისი მეუღლე”, – აცხადებს სოციალური ქსელის მომხმარებელი.