პოლონეთის პრეზიდენტის, ანჯეი დუდას განცხადებით, ამერიკელმა ოფიციალურმა პირებმა დაარწმუნეს, რომ ვაშინგტონი არ აპირებს აღმოსავლეთ ევროპაში ჯარების რაოდენობის შემცირებას.
აღნიშნული განცხადება დუდამ რუსეთ-უკრაინის ომის საკითხებში აშშ-ის პრეზიდენტის სპეციალურ წარმომადგენელთან, კიტ კელოგთან შეხვედრის შემდეგ გააკეთა.
„ამერიკას არ სურს, რომ აქ, ევროპის ჩვენს ნაწილში შეამციროს აქტივობა, განსაკუთრებით უსაფრთხოების თვალსაზრისით, არ სურს, რომ შეამციროს ამერიკელი ჯარისკაცების რაოდენობა. პირიქით, იმედი მაქვს, რომ პრეზიდენტ დონალდ ტრამპის ძალისხმევის წყალობით, უკრაინაში ომი დასრულდება“, – განაცხადა დუდამ.
პოლონეთში ვიზიტის შემდეგ კელოგი კიევში, უკრაინის პრეზიდენტ, ვოლოდიმირ ზელენსკისთან შესახვედრად გაემგზავრება.
კომენტარები