„ჰამასმა“ ისრაელს ოთხი დაღუპული მძევლის ცხედარი გადასცა.
პროცესი, წითელი ჯვრის შუამავლობით, ხან იუნისში შედგა.
როგორც ცნობილია, ცხედრებს შორის ბაბისების ოჯახის სამი წევრია, დედა და ორი მცირეწლოვანი ვაჟი, რომლებიც 7 ოქტომბრის თავდასხმის დროს გაიტაცეს.
მოგვიანებით „ჰამასმა“ განაცხადა, რომ დედა, შვილებთან ერთად, ისრაელის მიერ განხორციელებულ ავიაიერიშს ემსხვერპლა.
მეოთხე დაღუპული კი 85 წლის ვეტერანი ჟურნალისტი ოდედ ლიფშიცია. მისი მეუღლე 2023 წლის ოქტომბრის მიწურულს გაათავისუფლეს.
კომენტარები