დეკანოზ ალექსანდრე გალდავას პოზიციით, ადამიანი რომელიც გირის მიერ დაარსებულ რელიგიურ ორგანიზაციაში წევრიანდება,თავს ავტომატურად მართლმადიდებლური ეკლესიის გარეთ აყენებს.
ალექსანდრე გალდავას პოზიციით, ქვეყანაში რელიგიური თავისუფლებაა, თუმცა ,,ბიბლიური თავისუფლების“ წევრობის გამო ეკლესია ამბობს, რომ მართლმადიდებელი არ ხარ.
,,რელიგიური თავისუფლება გარანტირებულია სახელმწიფოს მხრიდან. რასაკვირველია ვინ გედავებათ რელიგიურ თავისუფლებას? პრობლემა ის არის, რომ ეკლესია გეუბნებათ მართლმადიდებლები არ ხართ-მეთქი. მიჭირს ამის თქმა, მაგრამ დამნაშავეებს ვინც აქ სხედან, აუცილებლად უნდა მოეკითხოთ ამ საქმეზეც და ციანიდის საქმეზე“, – განაცხადა ალექსანდრე გალდავამ.
დეკანოზის ციანიდზე მინიშნებამ ,,გირჩის“ ერთ-ერთი ლიდერის იაგო ხვიჩიას გაღიზიანება გამოიწვია. მოგვიანებით საუბარი ცხარე კამათში გადაიზარდა.
,,ჩვენ მართლმადიდებლობას არ ვქადაგებთ, იტყუებით ბატონო“, – პასუხობს იაგო ხვიჩია დეკანოზ ალექსანდრე გალდავას.