ირაკლი სესიაშვილი “ნაციონალური მოძრაობის” მიერ მისი შვილის შესახებ გავრცელებულ ინფორმაციას სიცრუეს და სიბინძურეს უწოდებს.
სესიაშვილი გეგმავს, რომ “ნაციონალურ მოძრაობას” სასამართლოში უჩივლოს.
“პრაიმტაიმთან” საუბარში ირაკლი სესიაშვილმა განაცხდა, რომ ნათელია -თავდასხმის ობიექტი არის ის და არა მისი შვილი.
“ეს არის სიბინძურის მწვერვალი. თავდასხმის ობიექტი, რა თქმა უნდა, ვარ მე და ამას მიაბეს ის ფაქტი, რომ ჩემმა შვილმა ცოტა ხნის წინ მართლაც დაიწყო მუშაობა სუს-ში. კონსულტაციას გავივლი იურისტებთან და ამას ასე არ დავტოვებ. სასმართლოში ვუჩივლებ ამ ცილისწამებისთვის”,-განაცხადა ირაკლი სესიაშვილმა.
ნაციონალური მოძრაობის“ ინფორმაციით, სამართალდამცველებმა ირაკლი სესიაშვილის შვილის, დავით სესიაშვილის, სავარაუდოდ, ქურდობაში მონაწილეობის საქმე მიჩქმალეს.
კომენტარები