“უკრაინასთან განვიხილეთ ტერიტორიები და მისი ნაწილები, რომლებიც შენარჩუნდება და დაიკარგება”

აშშ-ის პრეზიდენტმა, დონალდ ტრამპმა განაცხადა, რომ აშშ-ისა და უკრაინის დელეგაციებმა განიხილეს ტერიტორიული კონტროლის საკითხები.

ამერიკის პრეზიდენტმა აღნიშნა, რომ შეერთებულ შტატებს სურს რუსეთის მხრიდან ცეცხლის შეწყვეტა იხილოს.

„ჩვენ უკრაინასთან განვიხილეთ ტერიტორიები და მისი ნაწილები, რომლებიც შენარჩუნდება და დაიკარგება, ისევე როგორც საბოლოო შეთანხმების ყველა სხვა ელემენტი. ეს არის ელექტროსადგური, თქვენ იცით, ძალიან დიდი ელექტროსადგური. ვის გადაეცემა ელექტროსადგური და ვინ მიიღებს იმას და ამას? ასე რომ, ეს არ არის მარტივი პროცესი. მაგრამ პირველი ეტაპი არის ცეცხლის შეწყვეტა“, – აღნიშნა დონალდ ტრამპმა.