თბილისში, ნაძალადევის რაიონში მდებარე 19ა კორპუსში ცენტრალური კოლონა გაიბზარა. ამასთან დაკავშირებით, კორპუსის მცხოვრებლებმა ნაძალადევის გამგეობას მიმართეს.
ნაძალადევის გამგებლის ირაკლი ხელაძის განცხადებით, პირველადი ექსპერტიზით, მოსახლეობის ევაკუაცია გახდა საჭირო.
ადგილობრივებს დროებითი საცხოვრებლით გამგეობა უზრუნველყოფს, პარალელურად დაიწყება კორპუსის გამაგრებუთი სამუშაოები. კორპუსში 95 ოჯახი ცხოვრობს. ტერიტორია ამ წუთებში შემოღობილია, იზოლირებულია.
კომენტარები