უნგრეთის პრემიერ-მინისტრმა, ვიქტორ ორბანმა საფრანგეთის ულტრამემარჯვენე პარტიის, „ეროვნული გაერთიანების“ ლიდერს მარინ ლე პენს, რომელიც სასამართლომ ევროკავშირის თანხების გაფლანგვაში დამნაშავედ ცნო, მხარდაჭერას უცხადებს.
„მე ვარ მარინი“, – დაწერა ფრანგულად ორბანმა სოციალურ ქსელ X-ში.
Je suis Marine! @MLP_officiel
— Orbán Viktor (@PM_ViktorOrban) March 31, 2025
მარინ ლე პენს სოლიდარობა გამოუცხადა აგრეთვე იტალიის ვიცე-პრემიერმა, მატეო სალვინიმ. მან პარალელი რუმინეთში განვითარებულ მოვლენებთან გაავლო. „პარიზში მარინ ლე პენი გაასამართლეს და მას პოლიტიკურ ცხოვრებას აშორებენ. ცუდი ფილმია, რომელიც ჩვენ სხვა ქვეყნებში, მაგალითად, რუმინეთში უკვე ნანახი გვაქვს“, – დაწერა სალვინიმ ფრანგულად სოციალურ ქსელ X-ში.
კომენტარები