თუკი ამ ქვეყანაში და დღეს ოკუპაციის პირობებში, დიპლომატიური ურთიერთობების გაწყვეტის პირობებში, ვინმე მართლა დადის, რომელიც დაიჯერებს, რომ ყაველაშვილი შეიძლება ჩავიდეს 9 მაისს მოსკოვში, ამ ადამიანს სერიოზული პრობლემა აქვს ჩემი აზრით. შეიძლება ბევრ ადამიანზე ვსაუბრობ და ყველასთან ძალიან დიდი ბოდიში, მაგრამ ეს ჩემი აზრია და ნუ გამკიცხავთ ძალიან, – განაცხადა „ქართული ოცნების“ აღმასრულებელმა მდივანმა, საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ მამუკა მდინარაძემ.
როგორც მან აღნიშნა, „ნაციონალური მოძრაობის“ ბრიფინგი, სადაც თინა ბოკუჩავამ პრეზიდენტ მიხეილ ყაველაშვილის მოსკოვში ვიზიტის თაობაზე ისაუბრა, იმდენად მდაბიოობა, არასერიოზულობა და მავნებლობა, რომ არც კი უნდა უპასუხო ამას სერიოზულად.
„არ შეიძლება სერიოზულად უპასუხო კითხვას ჩავა თუ არა ყაველაშვილი 9 მაისს მოსკოვში. უკვე რაღაცა 0,1-ის დაშვებას მაინც სერიოზულად რომ პასუხობ – არა ნამდვილად არ ჩავა ყაველაშვილი 9 მაისს წითელ მოედანზე თუ რაღაცა – არ შეიძლება, იმდენად მარაზმია, იმდენად მდაბიოობაა და იმდენად რაღაცაზეა გათვლილი, არასურეალისტურ სისულელეზე, რომ არც კი უნდა უპასუხო ამას სერიოზულად. როგორ შეიძლება შეურაცხყოფა მიაყენო საკუთარ თავს და იკითხო, რომ მართლა ხომ არ ჩავა ყაველაშვილი კრემლში? შეიძლება ამას სერიოზულად უპასუხო? მე მგონია, რომ არ შეიძლება. მდაბიოობაა ამის მიზანი, არასერიოზულობის და მავნებლობის, ფსკერი მართლა ჩახიეს ამ ადამიანებმა, ამაზე რომ ბრიფინგს გააკეთებ დღევანდელ სიტუაციაში და სერიოზულად ილაპარაკებ ამაზე დღეს, თან 9 მაისს დაამთხვევ და იტყვი, რომ 9 მაისს ჩადის, აქ მითუმეტესაც აღარ არის, ეს არის ჯერ ერთი საკუთარი თავის უპატივცემულობის აბსოლუტური პიკი და მერე მეორე, ესე იგი ვიღაცები გგონია, რომ არიან ვინც ამას დაიჯერებენ. უდიდესი შეურაცხყოფაა რაღაცა სეგმენტის შენს საზოგადოებაში, რომელსაც შენ გგონია, რომ ეს სჯერა. ისე ხომ არ ჩაატარებდა ამ ბრიფინგს. ვთქვათ გონია, რომ დაიჯერებს 10% – 10%-ზე გაქვს საშინელი წარმოდგენა ამას ნიშნავს“, – განაცხადა მამუკა მდინარაძემ.