აშშ-ის პრეზიდენტმა, დონალდ ტრამპმა განაცხადა, რომ ამერიკის მთავრობის ეფექტურობის დეპარტამენტი, რომელსაც ილონ მასკი ხელმძღვანელობს, რაღაც პერიოდში მუშაობას შეწყვეტს.
ტრამპმა აღნიშნა, რომ კომპანია „ტესლას“ და SpaceX-ის დამფუძნებელი სპეციალურ სახელმწიფო მოხელის რანგში მის განკარგულებაში 130 დღის განმავლობაში იქნება, ხოლო შემდეგ ის საკუთარ კომპანიებს დაუბრუნდება.
„მე ის იმდენი ხანი მეყოლებოდა, რამდენსაც შევძლებდი. ის ძალიან ნიჭიერი ბიჭია, იცით, რომ მე ძალიან მიყვარს ჭკვიანი ადამიანები, და ის ძალიან ჭკვიანია, მან კარგი სამუშაო გასწია. რაღაც მომენტში ილონს თავის კომპანიაში დაბრუნება მოუნდება“, – აღნიშნა ტრამპმა.
აშშ-ის ლიდერს აგრეთვე ჰკითხეს, გააგრძელებენ თუ არა მთავრობის ეფექტურობის დეპარტამენტის თანამშრომლები მუშაობას მას შემდეგ, რაც მასკი წავა. ტრამპმა თქვა, რომ მისი ფედერალური სააგენტოების ხელმძღვანელებმა ბევრი რამ ისწავლეს და ზოგი მათთან მუშაობის გაგრძელება ისურვებს.