პუტინი და სი ძინპინი რუსეთ-ჩინეთის კავშირების გაძლიერებას აპირებენ, – ამის შესახებ რუსეთის საგარეო საქმეთა მინისტრმა, სერგეი ლავროვმა, ჩინელ კოლეგასთან, ვან ისთან შეხვედრისას განაცხადა.
რუსეთის საგარეო უწყების ხელმძღვანელის თქმით, რუსეთსა და ჩინეთს აერთიანებთ არა მხოლოდ ისტორიული, სამხედრო ძმობა და გრძელი საერთო საზღვარი, არამედ კეთილმეზობლობის მრავალსაუკუნოვანი ტრადიციები და ეროვნული ინტერესების ფართო სპექტრი.
„ასე გვიხელმძღვანელებენ ჩვენი ლიდერები, პრეზიდენტი პუტინი და თავმჯდომარე სი ძინპინი. ცოტა ხნის წინ, ვიდეოკონფერენციის დროს, მანამდე იყო სატელეფონო საუბარი, მათ კიდევ ერთხელ დაადასტურეს თავიანთი ორმხრივი ვალდებულება რუსეთ-ჩინეთის ურთიერთობების მუდმივი გაძლიერებისკენ. ჩვენ ყველა ღონეს ვიხმართ, რომ მათი შეთანხმებები ეფექტურად განხორციელდეს“, – განაცხადა სერგეი ლავროვმა.
რუსეთის საგარეო საქმეთა მინისტრმა აღნიშნა, რომ მსოფლიოს ქვეყნების უმრავლესობა ხედავს მოსკოვისა და პეკინის პასუხისმგებლობას საერთაშორისო არენაზე მჭიდრო კოორდინაციისთვის, როგორც სტაბილიზაციის ყველაზე მნიშვნელოვანი ფაქტორის ამ რთულ დროს.
ჩინეთის საგარეო საქმეთა მინისტრი ვან ი რუსეთში ოფიციალური ვიზიტით 31 მარტს ჩავიდა 2 აპრილამდე დარჩება.