რეიკიანესის ნახევარკუნძულზე, რომელიც ისლანდიის სამხრეთ-დასავლეთ ნაწილში მდებარეობს, ვულკანი ამოიფრქვა. ინფორმაციას BBC-ი ავრცელებს.
ვულკანის ამოფრქვევის გამო ევაკუაცია გამოცხადდა სპა-კურორტ „ცისფერ ლაგუნაზე“, რომელიც ერთ-ერთ ყველაზე ცნობილ და პოპულარულ ტურისტულ მიმართულებად ითვლება.
ისლანდიის მეტეოროლოგიურ ბიუროში განაცხადეს, რომ ვულკანის ამოფრქვევა ადგილობრივი დროით 09:45 საათზე დაიწყო. დაახლოებით ერთ საათში მიწაში გაჩენილი ნაპრალი 700 მეტრამდე გაიზარდა და ის გაფართოებას აგრძელებს.
2021 წლის შემდეგ რეიკიანესის ნახევარკუნძულზე რამდენიმე ვულკანის ამოფრქვევა მოხდა. ისლანდიაში 33 მოქმედი ვულკანური სისტემაა.
კომენტარები