რასაკვირველია, რუსეთმა განახორციელა ინტერვენცია, რუსეთი ახდენს ოკუპაციას, პროცესების ასე განვითარების სცენარის რეალიზაცია კი უდავოდ სააკაშვილმა მოახდინა, წინააღმდეგ შემთხვევაში იმ მოღალატეობრივ აქტს ხელს არ მოაწერდა! ყველა მხარე მოგებული დარჩა, პირადად სააკაშვილის ჩათვლით, წააგეს ქართველებმა, აფხაზებმა, ოსებმა, ზოგადად, საქართველომ! – წერს პარლამენტის პირველი ვიცე-სპიკერი, გია ვოლსკი.
მისივე თქმით, სად დაიწერა სცენარი – ეს შეკითხვა ღიად რჩება.
„და კიდევ ერთხელ! საქმე მარტო იმაში კი არაა, თუ რატომ არ გამოიყვანეს ხალხი გარდაუვალი განსაცდელის ზონიდან ინტერვენციამდე, არამედ არ გამოყვანის ახსნაა მთავარი “ვერ გავაფრთხილეთო” და მორჩა. არ მორჩა! ამასთან დაკავშირებულ მთავარ შეკითხვას არ სცემენ პასუხს – რატომ აცხადებდნენ საგარეო საქმეთა და სახელმწიფო მინისტრები 4, 6 და 8 აგვისტოს დილამდე, რომ ინტერვენცია არაა მოსალოდნელი? რატომ უბრძანეს უწყებებს არ გამოსულიყვნენ? რატომ გვაჯერებდნენ, რომ მოსკოვი გაოცებულია სეპარატისტების პროვოკაციების გამო? შესაბამისად, არც აგვისტოს დასაწყისში, ინტენსიური სროლების დროს და არც შემდგომ, არ ატეხეს განგაში, არ მიმართეს გაეროს უშიშროების საბჭოს საგანგებო შეკრების მოთხოვნით!
ჯერ 9 აგვისტოს ბრძანებულებაში მიუთითა სააკაშვილმა, რომ შემოჭრა 8 აგვისტოს მოხდა, ხოლო ოქტომბერში კი ოფიციალურად მოაწერა ხელი იმაზე, რომ რუსეთმა საქართველოს აგრესიის საპასუხოდ იმოქმედა!
ან სრულ საინფორმაციო ვაკუუმში იყვნენ, რაც გამორიცხულია, ან განზრახ ჩაიდინეს დანაშაული.
გამაოგნებლად ცინიკურია ამის განმარტებაც – არ გვინდოდა გვეჩვენებინა, რომ ომისთვის ვემზადებოდითო! დაზუსტებით შემიძლია ვთქვა, რომ ჯერ კიდევ ივლისიდან იყო დაზვერვის წერილობითი შეტყობინება ინტერვენციის მზადებაზე. ან რა დაზვერვა სჭირდებოდა შემოჭრის გარდაუვალობას თუკი სარაკეტო შეტევას დაიწყებდი, თანაც გადაიღებდი და იმავე ღამეს მთელ მსოფლიოს მოსდებდი ამ ამბავს.
და ბოლოს, მთავარი კითხვა – რა კონსპირაციულმა გეგმამ იმოქმედა ასეთი გარემოების შექმნაზე?! ან რა ნამუსით ეფარებიან ბრძოლის ველზე დაცემული და მიტოვებული სამხედროების გმირობას?! კიდევ კარგი მოვედით და საერთაშორისო სასამართლოები მოვიგეთ, თორემ ჩვენი ჯარიც დამნაშავედ ჰყავდათ გამოცხადებული!
რასაკვირველია, რუსეთმა განახორციელა ინტერვენცია, რუსეთი ახდენს ოკუპაციას, პროცესების ასე განვითარების სცენარის რეალიზაცია კი უდავოდ სააკაშვილმა მოახდინა, წინააღმდეგ შემთხვევაში იმ მოღალატეობრივ აქტს ხელს არ მოაწერდა! ყველა მხარე მოგებული დარჩა, პირადად სააკაშვილის ჩათვლით, წააგეს ქართველებმა, აფხაზებმა, ოსებმა, ზოგადად საქართველომ!
სად დაიწერა სცენარი? ეს შეკითხვა რჩება ღიად. ან იქნებ ორი სცენარი დაიწერა და სააკაშვილი ორივეს მოერგო?…”, – წერს გია ვოლსკი.