ლიეტუვაში მეოთხე დაღუპული ამერიკელი სამხედრო იპოვეს. ამის შესახებ სოციალურ ქსელ X-ში ლიეტუვის პრეზიდენტი გიტანას ნაუსედა წერს.
ჯავშანმანქანა, რომელიც ლიეტუვაში სამხედრო სწავლებებში მონაწილეობდა და რომელსაც ოთხი ამერიკელი სამხედრო მართავდა, 26 მარტს ჭაობში აღმოაჩინეს. სამი ცხედარი ჭაობიდან ორშაბათს ამოიყვანეს.
„ღრმად დამწუხრებული ვარ, გამოვაცხადო, რომ ლიეტუვაში წვრთნებში მონაწილე მეოთხე ამერიკელი სამხედროს ცხედარი აღმოჩენილია. ჩვენი გულითადი სამძიმარი შერთებულ შტატებს, ჩვენს მოკავშირეებს და მათ ხალხს. ლიეტუვა ლოცულობდა ოთხივე დაკარგული სამხედროსთვის და ახლა მთელი გულით ჩვენ მათი ოჯახების გვერდით ვართ. ღრმად მალდობელი ვართ ყველასი, ვინც უზარმაზარი ძალისხმევა გასწია დაკარგული სამხედროს ძებნისთვის ასეთ რთულ პირობებში“, – დაწერა ნაუსედამ.
სამხედრო წვრთნა ბელარუსის საზღვარზე მდებარე პაბრადეს პოლიგონზე იმართებოდა.