თამბაქოს მოხმარებასთან დაკავშირებულ საკანონმდებლო პაკეტს მეორე მოსმენით განიხილავს დღეს ჯანდაცვის კომიტეტი. ცვლილებების პაკეტი რეკლამირების შეზღუდვასთან ერთად, ითვალისწინებს მოწევის სრულ აკრძალვას ყველა ტიპის შენობაში, გარდა საცხოვრებელი სახლისა და საპატიმრო დაწესებულებებისა.
საკანონმდებლო პაკეტთან დაკავშირებით შენიშვნები ჰქონდა მთავრობას. უმრავლესობის განმარტებით, ამ თემაზე კონსენსუსი უკვე მიღწეულია. დღევანდელ სხდომას დაესწრება ჯანმრთელობის მსოფლიო ორგანიზაციის ექსპერტთა ჯგუფი. ისინი საკანონმდებლო პაკეტის მხარდაჭერას უზრუნველყოფენ.
„შეზღუდვას დახურულ შენობებში თამბაქოს მოხმარების, ეს ეხება კაფე, რესტორნები, ბარები, კლუბები და ა.შ. გარდა სამორინეებისა და სიგარ ბარებისა. იქნა მიღწეული შეთანხმება, რომ ეს გამონაკლისები დაიშვება,“ – განაცხადა ჯანდაცვის კომიტეტის თავმჯდომარემ აკაკი ზოიძემ.