აშშ-ის მთავრობის ეფექტურობის დეპარტამენტის ხელმძღვანელი, ილონ მასკი არასამთავრობო ორგანიზაციებს ფულის გათეთრების გიგანტურ სქემას უწოდებს და მათ გასამართლებას ითხოვს.
ამერიკის პრეზიდენტის უახლოესი მრჩეველი მთავრობის ეფექტიანობის საკითხებში აცხადებს, რომ არასამთავრობოები ყალბი საქველმოქმედო ორგანიზაციებია, რომელთაც უმეტესად დემოკრატები მართავენ.
მასკი ამბობს, რომ სწორედ არასამთავრობოების ქსელი, მათ შორის სოროსის ფონდთან ასოცირებული ორგანიზაციები დგანან კომპანია „ტესლას“ წინააღმდეგ მიმდინარე თავდასხმებზე.
„არასამთავრობო ორგანიზაციების მიმართულებითაც, ვფიქრობ, არაერთი პირის დაკავება იქნება საჭირო. ესენი ყალბი საქველმოქმედო ორგანიზაციები არიან, რომელთა უმეტესობას „დემოკრატები“ მართავენ. ეს ყალბი არასამთავრობოები მილიარდობით დოლარს იღებენ. შემდეგ ეს თანხები არასამთავრობოების ქსელზე ნაწილდება და ეს არის ფულის გათეთრების გიგანტური სქემა. რეალურად არასამთავრობო ორგანიზაცია და ფულის გათეთრება ერთმანეთის სინონიმებია. „ტესლას“ წინააღმდეგ დიდ ძალადობას აქვს ადგილი. ისვრიან „მოლოტოვის კოქტეილებს“, ცეცხლს უკიდებენ და ესვრიან. ეს არის ფართო მასშტაბის შიდა ტერორიზმი. ჩვენ ვიპოვით მათ, ვინც აორგანიზებს და აფინანსებს ამ ძალადობას. ჩვენ ვიცით, ვინ დგას ამ ყველაფრის უკან“, – აღნიშნა მასკმა.