ჩინეთი ფილიპინებს მოუწოდებს, ნუ ეთამაშება ცეცხლს ტაივანის საკითხთან დაკავშირებით, – ამის შესახებ ჩინეთის საგარეო საქმეთა სამინისტროში განაცხადეს.
უწყებაში აცხადებენ, რომ ტაივანის საკითხი ჩინეთის შიდა საქმეა და როგორ გადაწყდება ეს საკითხი, ჩინელი ხალხის საქმეა.
„ფილიპინებში შესაბამის ადამიანებს ვურჩევთ, არ მოახდინონ პროვოკაცია და ნუ ეთამაშებიან ცეცხლს ტაივანის საკითხზე. ვინც ცეცხლს ეთამაშება, დაიწვება“, – აღნიშნა ჩინეთის საგარეო საქმეთა სამინისტროს პრესსპიკერმა, გუო ძიაკუნმა.
მანამდე ფილიპინების შეიარაღებული ძალების მეთაურმა, რომეო ბრაუნერმა ჯარისკაცებს უთხრა, რომ „დაიწყონ მოქმედებების დაგეგმვა ტაივანში შეჭრის შემთხვევაში“.
„ტაივანს თუ რამე დაემართება, ჩვენ აუცილებლად ჩავერთვებით“, – განაცხადა რომეო ბრაუნერმა.
კომენტარები