ნობელის პრემიის ლაურეატი (2009 წელი) ბიოქიმიკოსი ვენკატრამან რამაკრიშნანი დღეგრძელობის სამ ძირითად პრინციპს ასახელებს – დაბალანსებული კვება, რეგულარული ფიზიკური აქტივობა და ხარისხიანი ძილი.
მისი თქმით, ეს სამი ასპექტი ახალგაზრდობას უფრო ეფექტურად ახანგრძლივებს, ვიდრე ბიოლოგიურად აქტიური დანამატები და გამაახალგაზრდავებელი პროცედურები. მეცნიერის თქმით, თანამედროვე კვლევები სწორედ ამ ფაქტორების გავლენაზე მიუთითებენ.
რამაკრიშნანი აღნიშნავს, რომ ხილ-ბოსტნეული და სასარგებლო ცხიმები დაბერებას უჯრედულ დონეზე ანელებენ, გადამუშავებული პროდუქტები კი პირიქით აჩქარებენ ამ პროცესს.
ფიზიკური აქტივობა არა მხოლოდ აძლიერებს გულ-სისხლძარღვთა სისტემას, არამედ ქრონიკული დაავადებების გაჩენის რისკსაც ამცირებს. ხარისხიანი ძილის ნაკლებობის შემთხვევაში ქვეითდება იმუნიტეტი, მაშინ როდესაც სრულფასოვანი ძილი 7-9 საათის განმავლობაში ორგანიზმს აღდგენაში ეხმარება.
რამაკრიშნანი ასევე აღნიშნავს, რომ უკვე დიდი ხანია მეცნიერები იკვლევენ არა მხოლოდ სხვადასხვა დაავადებებს, არამედ თვითონ დაბერების პროცესს. სპეციალისტები დაბერების პროცესის შენელების სტრატეგიაზე გამუდმებით მუშაობენ, თუმცა ძირითად რეკომენდაციად სწორი კვება, სპორტი და ძილი რჩება.