სალომე ზურაბიშვილს არანაირი აქტიურობა არ გამოუვა, რითიც კვლავ ცდილობს, თავისი უცხოელი დავალებების მიმცემები კვებოს, იმიტომ, რომ სალომე ზურაბიშვილის და კოლექტიური „ნაცმოძრაობის“ არავის სჯერა, – ამის შესახებ პარლამენტის საპროცედურო საკითხთა კომიტეტის თავმჯდომარემ, დავით მათიკაშვილმა განაცხადა.
მისი თქმით, მათ რეალურად არანაირი ელექტორალური მხარდაჭერა არ აქვთ.
„ეს ძალიან კარგად გამოჩნდა რამდენიმე დღის წინ იქ, სადაც მცდელობა ჰქონდათ, რომ აქცია ჩაეტარებინათ. იქ მყოფი მცირე საზოგადოება სალომე ზურაბიშვილს სტვენით და შეძახილებით გამოეხმაურა. იგივე შეგვიძლია ვთქვათ კოლექტიური „ნაცმოძრაობის“ ყველა ე.წ. ლიდერზე, რადგან, ფაქტობრივად, მათი პოლიტიკური გზა კრახით არის დასრულებული და ამ მოცემულობიდან გამოსვლაში ეს ფსევდომიმართულებები, დაპირებები და ინსცენირება, თითქოს კიდევ აქტიურ პოლიტიკაში არიან, არაფრის მომცემია. პასუხის მსგავსია იმ ძალების, იმავე „დიფ სთეითისადმი“, საიდანაც ეს ადამიანები საქართველოში იმართებიან“, – განაცხადა დავით მათიკაშვილმა.