ამერიკის შეერთებული შტატები ნატოდან გასვლას არ გეგმავს, – განაცხადა აშშ-ის სახელმწიფო მდივანმა, მარკო რუბიომ.
რუბიოს თქმით, ვაშინგტონს ალიანსის გაძლიერება სურს და სწორედ ამ მიზნით ითხოვს წევრი ქვეყნებისგან თავდაცვაზე ხარჯების 5%-მდე გაზრდას.
„შეერთებული შტატები ნატოშია. ჩვენ აქტიურები ვართ. ახლაც, სანამ ჩვენ ვსაუბრობთ, შეერთებული შტატები ნატოში აქტიურად მოქმედებს, როგორც არასდროს“, – თქვა რუბიომ ნატოს გენერალურ მდივანთან, მარკ რუტესთან ერთობლივ პრესკონფერენციაზე.
რუბიო ბრიუსელში ნატოს წევრი სახელმწიფოების საგარეო უწყებების ხელმძღვანელთა სამიტს ესწრება. ორდღიანი შეხვედრის დღის წესრიგშია ევროკავშირის თავდაცვისუნარიანობის გაძლიერებისა და უკრაინის სამხედრო მხარდაჭერის გაგრძელების საკითხები. ნატოს გენერალური მდივანმა, იმედი გამოთქვა, რომ ალიანსი ამერიკის მხარდაჭერით უკრაინის დახმარებას იქამდე შეძლებს, ვიდრე საჭირო იქნება.