აშშ-ის ვაჭრობის მდივანმა, ჰოვარდ ლუტნიკმა განაცხადა, რომ დონალდ ტრამპი არ აპირებს ტარიფების პოლიტიკაზე უარის თქმას.
„პრეზიდენტი არ აპირებს უკან დაიხიოს იმისგან, რაც გუშინ გამოაცხადა. ის უკან არ დაიხევს“, – განაცხადა ლუტნიკმა CNN-თან ინტერვიუში.
„ნება მიეცით გარიგებების ოსტატს დადოს თავისი გარიგებები მაშინ და მხოლოდ მაშინ, თუ ეს ქვეყნები შეძლებენ ყველაფრის შეცვლას საკუთარ თავში, რაშიც ეჭვი მეპარება“, – დასძინა მან.
აშშ-ის პრეზიდენტმა, დონალდ ტრამპმა ოთხშაბათს განაცხადა, რომ აშშ ყველა ქვეყანას საპასუხო ტარიფებს დაუწესებს.
აშშ-ის ადმინისტრაციის მიერ დაწესებული ტარიფები შემდეგნაირად გამოიყურება: ევროკავშირი 20%, ვიეტნამი 46%, ტაივანი 32%, იაპონია 24%, ინდოეთი 26%, სამხრეთ კორეა 25%, ტაილანდი 36%, ჩინეთი 34% და ა.შ.
„აშშ ვერ გააგრძელებს ეკონომიკური დათმობის ცალმხრივ პოლიტიკას. ჩვენ უნდა ვიზრუნოთ ჩვენს ხალხზე და უპირველეს ყოვლისა, ჩვენს ხალხზე უნდა ვიზრუნოთ“, – აღნიშნა დონალდ ტრამპმა.