რუსეთის შეიარაღებულმა ძალებმა უკრაინის ოთხი ოლქი 78 დრონით დაბომბა. ინფორმაციას უკრაინის შეიარაღებული ძალების საჰაერო ძალები „ტელეგრამის“ საკუთარ არხზე ავრცელებს.
უკრაინული მხარის მტკიცებით, რუსულმა არმიამ ხარკოვის, კიევის, დნეპროპეტროვსკისა და ზაპოროჟიეს ოლქები დაბომბა. დაზიანდა ინფრასტრუქტურა და საცხოვრებელი სახლები.
რუსეთმა უპილოტო საფრენი აპარატები ბრიანსკიდან, მილეროვოდან, პრიმორსკო-ახტარსკიდან და კურსკიდან გაუშვა. უკრაინის საჰაერო ძალების მტკიცებით, 22 დრონი კავშირის გაწყვეტის გამო თავისით ჩამოვარდა.
კომენტარები