ქართულმა საზოგადოებამ უნდა გაითავისოს, რომ ჩვენ არანაირი მეგობრები არსად არ გვყავს. ჩვენ გვყავს პარტნიორები, დღეს ჩვენი ინტერესები თანხვედრაშია და ჩვენ ერთად ვართ, ხვალ ჩვენი ინტერესები თანხვედრაში არ იქნება და საპირისპირო ბანაკებში აღმოვჩნდებით და ამის ნათელი მაგალითია – ამერიკამ დაუწესა ბრიტანეთს, დიდ ბრიტანეთს, რომელიც არის მისი დედა ხომ? ბრიტანეთმა შექმნა ამერიკა, ევროკავშირს დაუწესა სანქციები, იმიტომ, რომ ესე აწყობს იმას დღეს, ეგრე ფიქრობს ყოველ შემთხვევაში. ამიტომ ამას ყველაფერს ხაზი გადაუსვეს. ჩვენც რაც გვაწყობს, რაც გვჭირდება იქიდან გამომდინარე უნდა ვიმოქმედოთ. ამას წერს ზაზა შათირიშვილი სხვას კი არაფერს, რომ მივხვდეთ, რომ ჩვენი თავი ჩვენ უნდა გვეყუდნოდეს, – ასე უპასუხა კინორეჟისორმა გოგა ხაინდრავამ, ჟურნალისტის შეკითხვას ფილოსოფოს ზაზა შათირიშვილის წერილზე, სადაც ის წერს, რომ „დიფ სთეითი“ მთავარ გამოწვევად რჩება და ამერიკის ახალი ადმინისტრაცია მასთან ბრძოლაში ჯერჯერობით შედეგს ვერ აჩვენებს.
მისივე თქმით, საინტერესოა ვინ გადაწყვიტა, რომ მთელ მსოფლიოს ეკონომიკური ომი გამოუცხადოს, რომელიც პრაქტიკულად წინა პირობაა ბირთვული ომის.
„თქვენ ფიქრობთ რომ ტრამპმა თვითონ გადაწყვიტა რომ მთელ მსოფლიოს ეკონომიკური ომი გამოუცხადოს? დილით გაიღვიძა მარტომ და რამდენიმე ქვეყანას დაარტყა? თან როგორ დაარტყა შეხედეთ. პასუხები ნახეთ კანადა რას იძახის, გერმანიის ეკონომიკის მინისტრმა რა პასუხი გასცა, კომენტარები ნახეთ მსოფლიოში რა ხდება, ჩინეთზე აღარ ვლაპარაკობ, ინდოეთი. ვის არ დაუწესეს ტარიფები აბა შეხედეთ – რუსეთს, რუსეთს არ დაუწესეს ტარიფები. ძალიან საინტერესოა ხომ რატომ? სანქციებით ხომ უნდა დაგვეხრჩო ჩვენ რუსეთი, წელში გაწყდებოდა უბედური რუსეთი ჩვენ რომ სანქციებს დავუწესებდით და რა ვიცი, აბა იკითხეთ რატომ არ დაუწესეს რუსეთს ტარიფები? ამაშია საქმე. კანადა ჩემი შტატი გახდება და გუბერნატორს დავნიშნავო, იქ გრენლანდია ჩემიაო, პანამის არხს ავიღებო და პანამის არხზე „ბლექროკს“ უნდოდა ყიდვა და ჩინეთმა დაადო ვეტო და ვერაფერიც ვერ იყიდა და ვერაფერსაც ვერ წაიღებს. იმიტომ, რომ ეგრე არ არის, მსოფლიოში ესე არ ხდება. მე მაინტერესებს ვინ გადაწყვიტა, ეს რომ მთელ მსოფლიოს ეკონომიკური ომი გამოუცხადოს, რომელიც პრაქტიკულად წინა პირობაა ბირთვული ომის, იმიტომ, რომ ცხელი ომი მიდის, ამას ეკონომიკური ომი დაემატა და რაღა დარჩა ერთი ნაბიჯია, დაარტყამს ხვალ ირანს, ირანის ობიექტებს და პასუხს მიიღებს უეჭველი. ირანი არის აგერ, ყურის ძირში ჩვენგან, ერთი ხელის გაწვდომაზე“, – განაცხადა გოგა ხაინდრავამ.