აშშ-ის მთავრობა თავდაცვაზე მთლიანი შიდა პროდუქტის 5% დახარჯვას აპირებს, – განაცხადა აშშ-ის სახელმწიფო მდივანმა, მარკო რუბიომ.
„რა თქმა უნდა, ჩვენ აქეთკენ მივდივართ. ჩვენ, იმის გამო, რომ გლობალურად ვართ წარმოდგენილნი, ეროვნული უსაფრთხოების საჭიროებებზე უფრო მეტს დავხარჯავთ “, – აღნიშნა მან.
რუბიოს თქმით, აშშ-ს აქვს გარკვეული ვალდებულებები უსაფრთხოების სფეროში ინდო-წყნარი ოკეანიის რეგიონში, ახლო აღმოსავლეთსა და დასავლეთ ნახევარსფეროზე.
ამასთან ერთად, რუბიომ აღნიშნა, რომ ამერიკული ადმინისტრაცია ნატოს მოკავშირეებს თავდაცვაზე მშპ-ის 5%-მდე მყისიერ გაზრდას არ სთხოვს. ვაშინგტონს უბრალოდ სურს დაინახოს, რომ ქვეყნები ამ ტრაექტორიით მოძრაობენ.
„მე ვამბობ იმას, რომ რაღაც ეტაპზე მათ 5% უნდა მიაღწიონ. მე არ ვამბობ, რომ ეს ერთ დღეში უნდა მოხდეს, მაგრამ ამ მიზნის მიღწევა საჭიროა“, – დასძინა ამერიკის პირველმა დიპლომატმა.