აშშ-ის პრეზიდენტმა, დონალდ ტრამპმა „ტიკ-ტოკის“ შესახებ კანონის მიღების ბოლო ვადა 75 დღით გაახანგრძლივა.
საუბარია 2024 წლის იანვარში შემუშავებულ კანონპროექტზე, რომლის მიხედვითაც, ჩინურ კომპანია „ბაიტდენსს“ ვიდეოაპლიკაცია „ტიკ ტოკის“ ამერიკული აქტივები უნდა მიეყიდა არაჩინელი მყიდველისთვის, წინააღმდეგ შემთხვევაში ვიდეოპლატფორმა აიკრძალებოდა.
„შეთანხმება მოითხოვს მეტ ძალისხმევას, რათა უზრუნველყოფილი იყოს ყველა საჭირო თანხმობაზე ხელმოწერა. იმედი გვაქვს, გავაგრძელებთ კეთილსინდისიერ თანამშრომლობას ჩინეთთან, რომელიც, როგორც ვხვდები, არცთუ ისე კმაყოფილია ჩვენი საპასუხო ტარიფებით“, – განაცხადა ტრამპმა.
როგორც ტრამპმა აღნიშნა, მისი ადმინისტრაცია თანამშრომლობს ოთხ სხვადასხვა ჯგუფთან „ტიკ-ტოკის“ სავარაუდო შეთანხმებასთან დაკავშირებით. ამასთან, ტრამპს ეს ჯგუფები არ დაუსახელებია.