“არსებობს ინფორმაცია, რომ აშშ რუსეთის წინააღმდეგ ახალი სანქციების დაწესებასთან ახლოს არის”

უკრაინის პრეზიდენტი, ვოლოდიმირ ზელენსკი მოელის, რომ აშშ-მა შესაძლოა რუსეთის წინააღმდეგ სანქციები გააძლიეროს.

ზელენსკიმ იმედი გამოთქვა, რომ „შესაბამისი ძლიერი ნაბიჯები“, რაც გულისხმობს აშშ-ის მიერ რუსეთის წინააღმდეგ სანქციების გამკაცრებას ომის დასრულებაზე უარის თქმის გამო – „უახლოეს მომავალში იქნება“.

“და ვიცი – ყოველ შემთხვევაში, ჩვენ ასეთი ინფორმაცია გვაქვს – რომ ამერიკა საპასუხო ზომებთან ახლოსაა. ვნახოთ, იქნება თუ არა ეს. ეს არ არის წინასწარმეტყველება, ეს უბრალოდ არსებული ინფორმაციაა. რამდენად შეესაბამება ის რეალობას – ამას უახლოეს მომავალში ვნახავთ“, – აღნიშნა მან.