უკრაინის პრეზიდენტმა ვოლოდიმირ ზელენსკიმ ჯერ კიდევ 2024 წლის სექტემბერში, ანუ საპრეზიდენტო არჩევნებამდე აშშ-ში, მიაწოდა დონალდ ტრამპს ინფორმაცია უკრაინის მინერალური რესურსების შესახებ, – წერს WSJ-ი წყაროებზე დაყრდნობით.
„ტრამპის არჩევამდე შეხვედრაზე ნიუ-იორკში, რომელიც გასული წლის სექტემბერში შედგა, უკრაინის პრეზიდენტმა ვოლოდიმირ ზელენსკიმ შეახსენა მას უკრაინის მინერალური სიმდიდრის შესახებ, როგორც მიზეზი იმისთვის, რომ გაგრძელდეს ქვეყნის მხარდაჭერა რუსეთთან ბრძოლაში“, – ნათქვამია სტატიაში.
აღნიშნულია, რომ ზელენსკი საუბრობდა ლითიუმსა და ურანზე, თუმცა 2025 წელს მან განაცხადა, რომ კიევს სჭირდება დრო, ამ შეთანხმების გადახედვისთვის, რამაც ტრამპი გააღიზიანა.
მარტის ბოლოს უკრაინის რადას დეპუტატმა იაროსლავ ჟელეზნიაკმა განაცხადა, რომ უკრაინისა და აშშ-ის შეთანხმება ყველა სასარგებლო წიაღისეულს მოიცავს, მათ შორის, ნავთობსა და გაზს. მისი თქმით, ეს შეთანხმება უვადო იქნება, ცვლილებების შეტანის უფლება კი მხოლოდ ამერიკის მხარეს ექნება.