რუსეთის შეიარაღებულმა ძალებმა გვიან ღამით უკრაინის ქალაქ ზაპოროჟიეზე მასშტაბური თავდასხმა განახორციელა. ინფორმაციას უკრაინული მედია ავრცელებს.
მედიის თანახმად, საჰაერო შეტევაში რუსების სულ მცირე 10 უპილოტო საფრენი აპარატი მონაწილეობდა. თავდაპირველად ვრცელდებოდა ინფორმაცია გარდაცვლილ 61 წლის მამაკაცზე, თუმცა, მოგვიანებით ეს ცნობა არ დადასტურდა. დაშავებულია ოცდაათამდე ადამიანი.
„მტრის მიერ განხორციელებული იერიშის შედეგად დაშავებულთა რიცხვი 28 აღწევს. რუსებმა ქალაქის სამოქალაქო ინფრასტრუქტურას დაარტყეს. დაზიანებულია საცხოვრებელი სახლები, უნივერსიტეტი და ინფრასტრუქტურის ობიექტი“, – განაცხადა ზაპოროჟიეს საოლქო ადმინისტრაციის უფროსმა ივან ფიოდოროვმა.
კომენტარები