გერმანიის საგარეო საქმეთა სამინისტრომ „ალტერნატივა გერმანიისთვის“ პარტიის „მემარჯვენე ექსტრემისტულ“ ორგანიზაციად გამოცხადებას დემოკრატია უწოდა.
გერმანიის საგარეო უწყება სოციალურ ქსელ X-ზე აშშ-ის სახელმწიფო მდივანს, მარკო რუბიოს გამოეხმაურა, რომელმაც განაცხადა, რომ „გერმანიამ კურსი უნდა შეცვალოს“.
„ეს არის დემოკრატია. ეს გადაწყვეტილება არის საფუძვლიანი და დამოუკიდებელი გამოძიების შედეგი, რომელიც მიზნად ისახავს ჩვენი კონსტიტუციისა და კანონის უზენაესობის დაცვას. საბოლოო სიტყვას დამოუკიდებელი სასამართლოები იტყვიან. ჩვენ ჩვენი ისტორიიდან ვისწავლეთ, რომ მემარჯვენე ექსტრემიზმი უნდა შეჩერდეს“, – განაცხადეს გერმანიის საგარეო უწყებაში.
კომენტარები