უკრაინაში სულ ახლახან გაფორმებული წიაღისეულის შეთანხმებით კიდევ უფრო სააშკარაოზე გამოვიდა ზე სახელმწიფოების ინტერესი ამ ომში, რაც არის სიმდიდრის გადანაწილება, – განაცხადა გადაცემაში „იმედი LIVE“ საგარეო ურთიერთობათა კომიტეტის თავმჯდომარის პირველმა მოადგილემ მარიამ ლაშხმა რუსეთ-უკრაინის ომზე საუბრისას.
„წიაღისეულით, რომლითაც უკრაინა საკმაოდ მდიდარია Forbes Ukraine -ის მონაცემებით 14,8 ტრილიონზე არის საუბარი და რიცხობრივად რომ ავიღოთ, ბევრი ევროპული ქვეყნის მთლიან ჯამურ ეკონომიკაზე გაცილებით უფრო დიდია იმ წიაღისეულის შეფასება. სამწუხაროა ის, რომ დღეს რუსეთის მიერ დაკავებულ ტერიტორიაზე 80%-ზე მეტი წიაღისეულია განთავსებული, რაც გულისხმობს, რომ ამით ყველაზე უფრო მეტად რუსეთი ხეირობს და ვინც ამბობს, რომ ფინეთის მსგავსად უკრაინა ამ ომში იმარჯვებს, ან ინფორმაცია არ აქვს, ან მიზანმიმართულად ავრცელებს დეზინფორმაციას.
რაც დარჩა, ამერიკა ინაწილებს. შეიქმნა ფონდი, სადაც ძალიან ბევრი რამ, თუნდაც იმ ფონდიდან გამოსვლა როგორ იქნება, მაინც ბუნდოვანია.
მშვიდობაზე საუბარი არის და ეს ჩვენთვისაც მნიშვნელოვანი ფაქტორი იქნება, ჩვენი დასავლეთთან ურთიერთობის დასტაბილურების მიმართულებით, თუმცა, დღეს ვხედავთ, რომ უკრაინა ძალიან მძიმე მდგომარეობაშია და რა შეცდომაც იყო ჩადენილი ყველა მხარის მიერ, არის ის, რომ ვერ გადაარჩინეს უკრაინის ინტერესი“, – აღნიშნა მარიამ ლაშხმა.