ნაძალადევის რაიონის გამგებელი აცხადებს, რომ დადიანის 2 ნომერში საცხოვრებელი კორპუსი ავარიული იყო და მათ ადგილობრივებს არაერთხელ შესთავაზეს ქირით გასულიყვნენ. ირაკლი ანდღულაძის თქმით, მაცხოვრებლებმა შეთავაზებაზე უარი განაცხადეს.
„დავათვალიერეთ, მიმდინარეობს მოკვლევა და დასკვნა დაიდება. ყველა ოჯახი გაგვყავს სასტუმროში. ღია ცის ქვეშ არავინ დარჩება. შემდეგ, პირველადი მდგომარეობიდან გამომდინარე, აუცილებლად ქირით გავიყვანთ. ჩვენ არაერთხელ გვქონდა შეთავაზება ქირით გაყვანაზე და შემდეგ გლობალური მასშტაბით ყველა პრობლემის მოგვარება, მაგრამ უარი განაცხადეს. მუნიციპალიტეტს, მერიას და გამგეობას ყველასთან ჰქონდა შეთავაზება, რომ ქირით გასულიყვნენ“, – განაცხადა გამგებელმა.
თბილისში, დადიანის ქუჩაზე მდებარე სამსართულიან საცხოვრებელ კორპუსში იატაკი ჩაინგრა. შემთხვევის შედეგად საცხოვრებელი სახლიდან მაშველებმა ორი ადამიანი კონტაქტურ მდგომარეობაში გამოიყვანეს და შემოწმებისთვის კლინიკაში გადაიყვანეს.