აშშ-ის ვიცე-პრეზიდენტმა, ჯეი დი ვენსმა განაცხადა, რომ აშშ-ის პოზიცია ის არის, რომ მას არ სურს უკრაინის დაშლა.
„ჩვენი პოზიცია ის არის, რომ ჩვენ არ გვინდა უკრაინის დაშლა. ჩვენ, ცხადია, გვინდა, რომ უკრაინა დარჩეს სუვერენულ სახელმწიფოდ. მაგრამ რუსეთს არ შეუძლია იმის იმედი ჰქონდეს, რომ მას მისცემენ ტერიტორიას, რომელიც მას ჯერ კიდევ არ დაუპყრია. და ეს არის ერთ-ერთი რამ, რაც მათ იმ თავდაპირველ სამშვიდობო გეგმაში ჩადეს“, – აღნიშნა აშშ-ის ვიცე-პრეზიდენტმა.
გარდა ამისა, ჯეი დი ვენსმა ხაზი გაუსვა ვაშინგტონის მზაობას, დატოვოს მოლაპარაკებების პროცესი, თუ რუსეთის მხრიდან არაკეთილსინდისიერი ქცევა დადგინდება.
„ჩვენ ვიცოდით, რომ რუსები იმაზე მეტს მოითხოვდნენ, ვიდრე ჩვენ შეგვიძლია შევთავაზოთ. მე შემაშფოთებს, თუ მივალთ დასკვნამდე, რომ რუსები არაკეთილსინდისიერად აწარმოებენ მოლაპარაკებებს. და თუ ეს მოხდება, დიახ, ჩვენ დავტოვებთ მოლაპარაკებებს“, – დასძინა მან.