აშშ-ის სახაზინო დეპარტამენტის ხელმძღვანელის თქმით, ჩინეთთან სავაჭრო მოლაპარაკებებში მნიშვნელოვანი პროგრესია მიღწეული.
ამის შესახებ სკოტ ბესენტმა ჟენევაში ჩინეთის დელეგაციასთან შეხვედრის შემდეგ განაცხადა.
„მოხარული ვარ, გაცნობოთ, რომ ჩვენ მნიშვნელოვან პროგრესს მივაღწიეთ შეერთებულ შტატებსა და ჩინეთს შორის ძალიან მნიშვნელოვან სავაჭრო მოლაპარაკებებში. პირველ რიგში, მინდა, მადლობა გადავუხადო ჩვენს შვეიცარიელ მასპინძლებს, შვეიცარიის მთავრობას, რომლებიც ძალიან კეთილგანწყობილი იყვნენ. ვფიქრობ, რომ ამან დიდწილად განაპირობა ის პროდუქტიულობა, რომელიც ვნახეთ. მაგრამ შემიძლია გითხრათ, რომ მოლაპარაკებები ნაყოფიერი იყო“, – აღნიშნა ბესენტმა.
სახაზინო დეპარტამენტის ხელმძღვანელმა ასევე განაცხადა, რომ პრეზიდენტ დონალდ ტრამპს აცნობა მოლაპარაკებების პროგრესის შესახებ და დეტალებს სრულად 12 მაისს განიხილავენ.