პარიზის სასამართლომ ცნობილი ფრანგი მსახიობი, ჟერარ დეპარდიე სექსუალურ ძალადობაში დამნაშავედ ცნო და 18-თვიანი პირობითი პატიმრობა შეუფარდა. ინფორმაციას BBC ავრცელებს.
76 წლის მსახიობს სექსუალურ შევიწროებაში ორმა ქალმა დასდო ბრალი. ინციდენტი 2021 წელს ერთ-ერთ ფილმზე მუშაობის დროს მოხდა. დეპარდიე ბრალდებას უარყოფს, ხოლო მისი ადვოკატი განაჩენის გასაჩივრებას აპირებს.
როგორც ბრიტანული ტელეარხი იუწყება, სასამართლომ ერთ-ერთი დაზარალებულის, სახელად ამელის, ჩვენება სარწმუნოდ ჩათვალა. თავად ამელი სასამართლოს გადაწყვეტილებით კმაყოფილია და ამბობს, რომ განაჩენი არის „გამარჯვება და წინ გადადგმული დიდი ნაბიჯი“.
სასამართლომ აგრეთვე დაადგინა, რომ ამელის გარდა დეპარდიე სექსუალურად ავიწროებდა რეჟისორის თანაშემწეს სახელად სარა.
ამასთან ერთად, სასამართლომ დეპარდიეს თითოეული დაზარალებულისთვის 1 ათასი ევროსა გადახდა დააკისრა.