“ძალიან დაემთხვა ერთმანეთს ის, რომ პრეზიდენტმა ტრამპმა თავისი ელჩი საქართველოში პენსიაზე გაუშვა და თამარ ტალიაშვილი მიიღო”

„ხალხის ძალის“ აღმასრულებელმა მდივანმა გურამ მაჭარაშვილმა მედიასთან აშშ-ში საქართველოს ელჩად თამარ ტალიაშვილის დანიშვნის შესახებ კომენტარი გააკეთა.

გურამ მაჭარაშვილის თქმით, ძალიან დაემთხვა ერთმანეთს ის, რომ პრეზიდენტმა ტრამპმა თავისი ელჩი საქართველოში, რობინ დანიგანი, რომელიც ეწინააღმდეგებოდა, პენსიაზე გაუშვა და თამარ ტალიაშვილი, როგორც საქართველოს ელჩი, პრაქტიკულად, უკვე მიიღო.

„რაც შეეხება ჩვენი ელჩის დანიშვნას აშშ-ში, არაერთხელ ვთქვით, რომ წარდგენილი იყო ქალბატონ თამარ ტალიაშვილის კანდიდატურა და ამერიკისგან დასტურს ველოდებოდით. ძალიან დაემთხვა ერთმანეთს ის, რომ პრეზიდენტმა ტრამპმა თავისი ელჩი საქართველოში, რობინ დანიგანი, რომელიც ეწინააღმდეგებოდა, პენსიაზე გაუშვა და თამარ ტალიაშვილი, როგორც საქართველოს ელჩი, პრაქტიკულად, უკვე მიიღო.

ახლა ველოდებით აშშ-ის ახალ ელჩს საქართველოში და დიდი იმედი გვაქვს, რომ ის ტრამპის პოლიტიკის გამტარებელი იქნება. ბუნებრივია, დიდი მნიშვნელობა აქვს აშშ-ის ელჩს საქართველოში იქიდან გამომდინარე, თუ როგორ ინფორმაციას მიაწვდის პრეზიდენტს და მის ადმინისტრაციას, რომელსაც, ერთი-ერთში აქვს ის პოლიტიკა, რასაც ჩვენ, სულ ცოტა, სამი წელია უკვე ვატარებთ“, – აღნიშნა გურამ მაჭარაშვილმა.