დავით აღმაშენებლის სახელობის საქართველოს ეროვნულმა თავდაცვის აკადემიამ უმასპინძლა რუმინეთის ნიკოლაე ბალჩესკუს სახელობის სახმელეთო ძალების აკადემიის და უნგრეთის ლუდოვიკას საჯარო სამსახურის ეროვნული უნივერსიტეტის საერთაშორისო ურთიერთბების მიმართულების თანამშრომლებს და „ერასმუს+“ პროგრამის კოორდინატორებს.
აკადემია მჭიდროდ თანამშრომლობს აღნიშნულ საგანმანათლებლო დაწესებულებებთან ორმხრივი თანამშრომლობისა და „ერასმუს+“ პროგრამის ფარგლებში.
ვიზიტის დროს განხორციელდა სამუშაო შეხვედრები აკადემიის სხვადასხვა სტრუქტურული ერთეულების ხელმძღვანელებთან, რომლის დროსაც მოხდა მიმდინარე თანამშრომლობის საკითხების შეჯამება და სამომავლო ღონისძიებების დაგეგმვა, რაც მეტად მნიშვნელოვანია აკადემიის საერთაშორისო ურთიერთობების გაღრმავების და შემდგომი განვითარებისათვის.
კომენტარები