დონალდ ტრამპის ადმინისტრაცია მოკავშირეებს შესაძლო შედეგებით დაემუქრა, თუ ისინი გაეროს მიერ ორგანიზებულ კონფერენციაში მიიღებენ მონაწილეობას, რომელიც ისრაელსა და პალესტინას შორის ორი სახელმწიფოს პრინციპით კონფლიქტის შესაძლო მოგვარებას ეხება. სტატიას ამ შინაარსით The Telegraph-ი ავრცელებს.
ამერიკის მიერ გაგზავნილ დიპლომატიურ დემარშში ნათქვამია, რომ ქვეყნები, რომლებიც „ანტიებრაულ მოქმედებებში“ მიიღებენ მონაწილეობას, კონფერენციის შემდეგ შეფასდებიან, როგორც აშშ-ის საგარეო პოლიტიკის ინტერესების წინააღმდეგ მოქმედნი და ვაშინგტონის მხრიდან დიპლომატიურ შედეგებს მოიმკიან.
როგორც The Telegraph-ი წერს, მომავალ კვირას ნიუ-იორკში საფრანგეთი და საუდის არაბეთი შეხვედრას გამართავენ, სადაც პალესტინის სახელმწიფოს შექმნის საგზაო რუკის პარამეტრებს განიხილავენ.
„ჩვენ მოვუწოდებთ მთავრობებს, არ მიიღონ მონაწილეობა კონფერენციაში, რომელსაც ჩვენ კონტრპროდუქტიულად ვთვლით ადამიანების სიცოცხლეების გადარჩენაზე, ღაზაში ომის დასრულებასა და ტყვეების გათავისუფლებისკენ მიმართული ძალისხმევის თვალსაზრისით“, – ნათქვამია აშშ-ის წერილში.
საფრანგეთის პრეზიდენტმა, ემანუელ მაკრონმა ივარაუდა, რომ საფრანგეთმა კონფერენციაზე, შესაძლოა, პალესტინის სახელმწიფოებრიობა აღიაროს. როგორც ფრანგი ჩინოვნიკები ამბობენ, ისინი მუშაობენ იმაზე, რათა აშშ-თან უსიამოვნებას თავი აარიდოს.