ამიტომაც ვწერდი წერილებს ევროკავშირის ელჩს, ამიტომ მოვუწოდებდით დიდი ხანი საჯაროდ ელჩებს და დონორებს, რომ შეეჩერებინათ ზიზღის კამპანია, რომელიც გარედან არის დაფინანსებული. მათ ეს არ გააკეთეს. აქედან გამომდინარე არის ეს საჩივრები, – განაცხადა შალვა პაპუაშვილმა ზიზღის ენასთან ბრძოლაზე საუბრისას.
საქართველოს პარლამენტის თავმჯდომარემ აღნიშნა, რომ აქტივისტები, რომელთა წინააღმდეგაც საქმეები აღიძრა„ემოციურად დაზიანებული ადამიანები“ არიან, რომლებსაც იყენებენ გარედან, იმისთვის რომ საქართველოში ზიზღი დათესონ. მან ასევე დასძინა, რომ მსგავსი პრაქტიკა სტანდარტია ყველა სხვა ქვეყანაში.
„დღესაც გასაჯაროვდა სხვადასხვა ქვეყნის გამოცდილება. სულ ახლახან, გერმანიის საგარეო საქმეთა მინისტრისთვის პლატფორმა იქსზე ყველაზე სულელი მინისტრის წოდების გამო ადამიანს 20 ათასი ლარის ეკვივალენტის ჯარიმა დაეკისრა, ასე რომ ეს ყველგან ასეა. გამოწვევა არის სიძულვილის ენა. უბრალოდ, საქმე ისაა, რომ სხვაგან რომ მიუღებელია მოლოტოვის კოქტეილი, ჩვენთან ამას აფინანსებენ. სხვაგან რომ მიუღებელია სიძულვილი, ჩვენთან მას მხარს უჭერენ. აქედან გამომდინარე, მნიშვნელოვანია ერთი რამის გააზრება, რომ უცხოეთიდან იმპორტირებული ზიზღის ენა შეჩერდეს“, – განაცხადა პაპუაშვილმა.
მან ასევე აღნიშნა, რომ ამ სარჩელების მოპასუხეები სინამდვილეში ის დონორები და ელჩები არიან, რომლებიც ახალისებენ, მხარს უჭერენ და აფინანსებენ ამ სიძულვილის კამპანიას და არ ემიჯნებიან მას.