საქართველოს პრეზიდენტი მიხეილ ყაველაშვილი ყატარის ელჩს შეხვდა.
”დღეს, პრეზიდენტის სასახლეში საქართველოში კატარის სახელმწიფო ელჩს ჰასან აჰმედ ალი მოჰამედ ალ მუთავას შევხვდი.
განვიხილეთ ჩვენს ქვეყნებს შორის არსებული მეგობრული და პარტნიორული ურთიერთობები, რომლებიც ნდობასა და ურთიერთპატივისცემას ეფუძნება. ასევე ვიმსჯელეთ სხვადასხვა მიმართულებით თანამშრომლობის გაღრმავების სამომავლო პერსპექტივებზე.
შეხვედრაზე აღვნიშნე, რომ მივესალმები საქართველოსა და კატარს შორის თავისუფალი ვაჭრობის შეთანხმებაზე მოლაპარაკებების დაწყების გადაწყვეტილებას.
შეხვედრის დასასრულს, დავადასტურე ჩვენი მზაობა კატართან გავაღრმაოთ ორმხრივი თანამშრომლობა პოლიტიკური, ეკონომიკური თუ კულტურული მიმართულებით, რათა ჩვენი წვლილი შევიტანოთ რეგიონის პოტენციალის უკეთ ათვისებაში.
თავის მხრივ კატარის სახელმწიფო ელჩმა ჰასან აჰმედ ალი მოჰამედ ალ მუთავამ პრეზიდენტად არჩევა მომილოცა და აქტიური თანამშრომლობისთვის მზაობა დამიდასტურა.”-წერს პრეზიდენტი.
