კანადაში მიმდინარე „დიდი შვიდეულის“ სამიტი აშშ-ის პოზიციის გამო უკრაინის შესახებ ერთობლივი განცხადების გარეშე დასრულდა. ინფორმაციას Reuters-ი ავრცელებს.
„დიდი შვიდეულის“ ქვეყნებმა ერთობლივ განცხადებაზე უარი მას შემდეგ თქვეს, რაც აშშ-მა მის ფორმულირებას არ დაეთანხმა.
სააგენტოს ცნობით, კანადის პრემიერ-მინისტრი, მარკ კარნი, როგორც „დიდი შვიდეულის“ თავმჯდომარე ქვეყნის წარმომადგენელი ცალკე განცხადების გავრცელებას აპირებს, სადაც რუსეთის წინააღმდეგ მეტი სანქციის შემოღებისკენ მოუწოდებს და აშშ-ის სამშვიდობო ინიციატივებს მხარს დაუჭერს.
საბოლოო ჯამში, სამიტის დროს ექვსი სხვადასხვა განცხადება მიიღეს, თუმცა უკრაინის საკითხი კონსოლიდირებული პოზიციის გარეშე დარჩა.
Reuters-ის ცნობით, ევროპელი დიპლომატები აშშ-ის პრეზიდენტის, დონალდ ტრამპის დარწმუნებას ცდილობდნენ იმაში, რომ რუსეთის წინააღმდეგ მკაცრი ღონისძიებებია გასატარებელი. წყაროს ინფორმაციით, ტრამპი ზეწოლის გაძლიერების იდეით დაინტერედა, თუმცა მას არანაირი პირობა არ მიუცია.